Æfingaferð til Portúgal

Keflavíkurliðið heldur á miðvikudaginn í æfingaferð til Portúgals.  Þetta verður góður undirbúningur fyrir liðið sem er mikið breytt frá síðasta tímabili.  Mikilvægt er að taka liðið í annað umhverfi, þétta hópinn og æfa vel, en æft verður tvisvar á dag.  Liðið ætti því að koma heim vel undirbúið fyrir átökin í sumar.  Fylgst verður með ferð strákanna á heimasíðunni því pistlar verða sendir frá æfingaferðinni og jafnvel nokkrar myndir fá að fylgja með.  Strákarnir koma svo heim fimmtudaginn 23. apríl á sumardaginn fyrsta, vonandi í sól og blíðu.