Knattspyrna | 9. maí 2007

Báðum liðum spáð 4. sæti

Karla- og kvennaliðum Keflavíkur er báðum spáð 4. sæti í Landsbankadeildinni í sumar en spá fyrirliða, þjálfara og formanna knattspyrnudeilda félaga í deildinni var kynnt á kynningarfundi Landsbankans og KSÍ í gær. Samkvæmt spánum verja FH og Valur titla sína. Það er greinilegt að gott gengi Keflavíkur síðastliðið sumar hefur vakið verðskuldaða athygli en liðunum var báðum spáð 5. sæti fyrir mótið í fyrra. Nú er bara að sjá hvernig spáin gengur eftir en það er ljóst að okkar fólk ætlar sér að vera enn ofar í deildinni en spáin segir til um.

Rúnar formaður og Björgólfur Guðmundsson frá Landsbankanum ganga frá þátttöku Keflavíkur í Landsbankadeildinni í sumar. (Mynd: jbo / Víkurfréttir)