Bergsteinn í U-17 ára liðinu

Bergsteinn Magnússon hefur verið valinn í U-17 ára landsliðið sem leikur á Norðurlandamótinu í Finnlandi.  Gunnar Guðmundsson, þjálfari liðsins, hefur valið hópinn sem leikur á mótinu sem fram fer í Finnlandi dagana 1.-9. ágúst.  Liðið er í riðli með Dönum, Finnum og Englendingum en einnig verður leikið um sæti á mótinu.

Bergsteinn er markvörður og leikur með 3ja flokki Keflavíkur en hann hefur einnig leikið með 2. flokki okkar í sumar.  Þá var hann á bekknum í nokkrum leikjum meistaraflokks fyrr í sumar.  Við óskum Bergsteini og íslenska liðinu góðs gengis í mótinu.