Bikarslagur í kvöld

Í kvöld er komið að bikarkeppninni þegar okkar menn heimsækja Leiknismenn í Breiðholtið.  Leikurinn hefst á Leiknisvelli kl. 19:15.  Leiknismenn unnu 2. deildina í fyrra, hafa verið að leika vel í þeirri fyrstu í sumar og eru um miðja deild.  Búið er að draga í næstu umferð bikarsins og sigurliðið í kvöld fær útileik gegn ÍA í 8 liða úrslitunum.  Það má því búast við hörkuleik og ekta bikarleik í kvöld og ástæða til þess að hvetja stuðningsmenn til að mæta og styðja okkar menn.

Keflavík teflir fram sama 18 manna hópi og í tveimur síðustu leikjum gegn Breiðablik og Lilleström.  Okkar menn eru allir heilir og tilbúnir í slaginn.  Dómari í kvöld er Erlendur Eiríksson, aðstoðarmenn hans þeir Einar K. Guðmundsson og Halldór Örn Svansson.  Eftirlitsmaður KSÍ er Valur Benediktsson.  

Hópurinn:
Ómar
Magnús Þormar
Guðjón
Guðmundur Mete
Kenneth
Hallgrímur
Ragnar
Branko
Hólmar Örn
Jónas
Baldur
Einar Orri
Viktor
Símun
Magnús Þorsteins
Guðmundur Steinars
Stefán Örn
Þórarinn