Björg Ásta í landsliðið

Björg Ásta Þórðardóttir hefur verið valin í landsliðshóp kvenna sem leikur tvo leiki gegn Ólympíumeisturunum Bandaríkjanna.  Björg Ásta var kölluð inn í hópinn þegar ljóst varð að Erla Steinunn Arnardóttir kæmist ekki í ferðina.  Liðin leika 25. og 29. september og eru leikirnir hluti af röð leikja sem eru nokkurs konar kveðjuleikir fyrir nokkra af reyndustu og bestu leikmönnum bandaríska liðsins.  Björg Ásta lék 7 landsleiki meðan hún lék með Breiðablik.  Við óskum henni og félögum hennar góðs gengis í Bandaríkjunum.