Björg Ásta og Nína Ósk í U21 árs liðinu

Þær Björg Ásta Þórðardóttir og Nína Ósk Kristinsdóttir eru báðar í U-21 árs landsliði kvenna sem tekur þátt í Opna Norðurlandamótinu í Svíþjóð í lok júlí.  Þær stöllur eru í 18 manna hópi sem þjálfarinn Elísabet Gunnarsdóttir hefur valið til fararinnar.  Íslands leikur fyrsta leik sinn í mótinu 20. júlí en liðið leikur í riðli með Danmörku, Þýskalandi og Bandaríkjunum.  Björg og Nína hafa báðar leikið fjölmarga leiki með öllum landsliðum Íslands.  Björg Ásta hefur leikið 11 leiki með U-21 árs liðinu en hún hefur leikið 8 A-landsleiki.  Nína Ósk hefur skorað tvö mörk í fjórum leikjum með U-21 árs liðinu en hún hefur leikið 6 leiki með A-landsliðinu og skorað eitt mark.  Við óskum stúlkunum góðs gengis með landsliðinu.

Nína Ósk í leik gegn Stjörnunni á dögunum.
(Mynd: Jón Örvar Arason)