Fram og Keflavík gerððu jafntefli þegar liðin mættust í 7. umferð Pepsi-deildarinnar á Laugardalnum.  Þetta var þriðji deildarleikur Keflavík í röð sem lýkur með 1-1 jafntefli og í öllum þremur leikjunum hafa okkar menn skorað fyrst.  Að þessu sinni var það Jóhann Birnir Guðmundsson sem kom Keflavík yfir á 10. mínútu leiksins en Ingiberg Ólafur Jónsson jafnaði undir lok fyrri hálfleiks.

Eftir leikinn er Keflavík með 12 stig stig eftir sjö leiki.

Næsti leikur er heimaleikur gegn Stjörnunni í Pepsi-deildinni en hann verður á Nettó-vellinum sunnudaginn 15. júní kl. 20:00.

Leikskýrsla á KSÍ.is

Myndir frá leiknum

• Þetta var 91. leikur Keflavíkur og Fram í efstu deild.  Keflavík hefur unnið 35 leiki og Fram 28 en þetta var 28. jafntefli liðanna.  Markatalan er 136-121 fyrir Keflavík.
   
• Jóhann Birnir Guðmundsson gerði annað mark sitt í sumar og 40. mark sitt í efstu deild í 152 leikjum.  Þetta var fjórða mark Jóhanns gegn Fram í efstu deild.
   
• Árni Freyr Ásgeirsson lék sinn fyrsta leik í sumar og fyrsta leik sinn í efstu deild síðan árið 2012.
   
• Sindri Kristinn Ólafsson lék sinn fyrsta leik í efstu deild þegar hann kom inn á fyrir Árna Frey.
   
• Frans Elvarsson lék sinn 50. leik fyrir Keflavík í efstu deild.
   
• Eftir aðeins sjö leiki í Pepsi-deildinni hafa þrír markmenn leikið í sumar, Jonas Sandqvist, Árni Freyr Ásgeirsson og Sindri Kristinn Ólafsson.  Í fyrra léku einnig þrír markmenn með Keflavík í deildinni, þeir David Preece, Bergsteinn Magnússon og Ómar Jóhannsson.  Auk þeirra voru Sindri Kristinn og Aron Elís Árnason einnig í leikmannahópi í Pepsi-deildinni.
   
• Þetta var þriðja 1-1 jafntefli Keflavíkur í röð í deildinni.  Árið 2011 gerðist það síðast að þremur leikjum í röð lauk með sömu niðurstöðu en þá tapaði Keflavík 1-2 gegn Grindavík, ÍBV og Fylki.

Myndir: Jón Örvar Arason