Faxinn hjá 3. og 4. flokki

B-lið 4. flokks kvenna heimsótti Breiðablik 2 í Kópavoginn s.l. laugardag.  Leikið var á freðnum malarvelli þrátt fyrir að Breiðablik hafi Fífuna og skrýtið að liðið skuli ekki spila leiki sína þar en nóg um það.  Okkar stelpur lentu undir 0-2 en náðu þó að jafna fyrir hlé.  Í seinni hálfleik fengum við mýgrút af færum en hrikalegt var að horfa á hvernig þau klúðruðust.  Úr einni af sínum fáum sóknum skoruðu heimamenn sigurmarkið.  Ekki var leikið í A-liðum að þessu sinni þar sem að Breiðablik er með tvö B-lið.  Við eigum því eftir að fara á þennan völl aftur og bíðum spennt eftir því!

4. flokkur kvenna, B-lið:
Breiðablik 2 - Keflavík: 3-2 (Matthildur Ósk Jóhannsdóttir, Íris Björk Rúnarsdóttir)

Á sunnudag lék svo 3. flokkur gegn Stjörnunni í Garðabænum.  Ekki voru gæðin mikil í þessum leik sem einkenndist af miðjuþófi og þröngu spili sem engu skilaði.  Sigur hafðist þó í leiknum 3-0 og er þetta sá allra lélegasti leikur sem stelpurnar hafa spilað í mjög langan tíma.  Í staðinn fyrir að spila sinn bolta eins og þær hafa verið að gera vel í sumar létu þær teyma sig í þetta miðjuþóf og þrönga spil þar sem heimamenn vörðust vel.

3. flokkur kvenna:
Stjarnan - Keflavík: 0-3 (Hildur Haraldsdóttir, Andrea Frímannsdóttir, Karen Herjólfsdóttir)