FH-Keflavík á mánudag
Keflvíkingar heimsækja FH-inga í Kaplakrika mánudaginn 5. júní í Landsbankadeildinni og hefst leikurinn kl 20.00. Þetta er leikur í fimmtu umferð Íslandsmótsins og hefur FH unnið alla sína leiki í deildinni til þessa og sitja í efsta sætinu. Keflavík er í öðru sæti, 5 stigum á eftir FH.
Er ekki kominn tími á að stoppa þetta frábæra lið FH sem eru Íslandsmeistarar síðustu tveggja ára? Vissulega er FH liðið mjög gott og það erum við líka. Keflavík mun leggja allt í sölurnar fyrir þennan leik og með hjálp stuðningsmanna okkar þá er allt hægt. Hvað höfum við betra að gera á mánudaginn en að renna í Fjörðinn og hvetja okkar menn til sigurs í þessum mikilvæga leik?
Minni á upplýsingapakkann hjá ksi.is en þar er hægt að sjá síðustu viðureignir þessara liða og ýmsar aðrar upplýsingar.
Allir í Hafnarfjörðinn á mánudag.
ÁFRAM KEFLAVÍK!!
Það var hart barist síðast...
