Frá aðalfundi Knattspyrnudeildar
Aðalfundur Knattspyrnudeildar Keflavíkur var haldinn 29. janúar síðastliðinn og var Þorsteinn Magnússon endurkjörinn formaður deildarinnar næsta árið. Aðrir í aðalstjórn eru Hjördís Baldursdóttir, Kjartan Steinarsson, Einar Helgi Aðalbjörnsson og Ólafur Birgir Bjarnason. Í varastjórn voru kosnir Andrés Hjaltason fyrir kvennaráð, Ágúst Pedersen, Gunnlaugur Kárason, Hjörleifur Stefánsson, Jón Ólafsson, Oddur Sæmundsson, Birgir Már Bragason og Kristján Helgi Jóhansson.
Ágæt fundarsókn var á fundinum og góðar og jákvæðar umræður áttu sér stað. Fundarmenn voru almennt ánægðir með árangur síðasta árs og bjartsýnir á framtíðina. Deildin lagði fram ársreikninga sína, reksturinn gekk ágætlega og er niðurstaðan sú að deildin var rekin réttu megin við núllið.
