Frá jólaboði Knattspyrnudeildar

Hið árlega jólaboð Knattspyrnudeildar var haldið í félagsheimilinu við Sunnubraut á miðvikudag.  Þar var styrktaraðilum og þeim sem hafa starfað fyrir deildina á árinu boðið til veislu þar sem hangikjöt og með því var á boðstólum.  Vel var mætt og rann hangikjötið ljúflega niður.  Hinn eini sanni Dói lék jólalög á nikkuna og Sigmundur Ó. Steinarsson kynnti hinar glæsilegu bækur sínar um sögu Íslandsmótsins.  Þá var Fjölmiðlagyðja Knattspyrnudeildar afhent en það var Media Group sem hlaut hana í ár.  Síðast en ekki síst var Sigurður Björgvinsson sæmdur silfurmerki deildarinnar.  Stjórn Knattspyrnudeildar þakkar gestunum fyrir komuna.