Frans til Keflavíkur

Frans Elvarsson hefur gengið til liðs við okkur Keflvíkingar en hann kemur frá nágrönnum okkar í Njarðvík.  Frans gerði 3ja ára samning en hann er annar leikmaðurinn sem gengur til liðs við okkur frá Njarðvík í vetur.  Frans er tvítugur, ættaður að austan og hóf feril sinn með Sindra.  Hann hefur leikið með Njarðvík síðustu fjögur ár og átti þar að baki 84 leiki og fjögur mörk í deild og bikar.  Auk þess hefur hann leikið fjóra leiki með U-19 ára landsliði Íslands og sjö leiki með U-17 ára liðinu.  Við bjóðum Frans velkominn í hópinn.

Frans kominn í Keflavíkurtreyjuna.