Fréttir af okkar mönnum

„Norðmennirnir“ okkar léku sína fyrstu leiki í norsku úrvalsdeildinni um helgina.  Stefán var búinn að lofa sigri gegn Fredrikstad en náði jafntefli á heimavelli.  Stefán fann sig vel í leiknum en var ósáttur með jafnteflið.  Ég var í sambandi við einn af starfsmönnum Lyn og sagði hann mér að Stefán hafi verið langbesti maður liðsins í leiknum.  Næsti leikur Lyn er gegn Lilleström á útvelli.

Haraldur fékk eldskírn sína hjá Aalesund þegar nýliðarnir heimsóttu tífalda Noregsmeistara Rosenbog um helgina.  Ekki voru margir sem spáðu Haraldi og félögum frá síldarbænum góðu gengi í opnunarleiknum en annað kom á daginn og það var Rosenborg sem jafnaði leikinn á 93. mínútu.  Haraldur sagði að Rosenborg hafi verið meira með boltann og Aalesund skorað úr báðum sóknum sínum.  Um helgina leika þeir fyrsta heimaleikinn á nýjum gervigrasvelli á móti Odd Greenland.  Þeir æfðu í fyrsta skipti í dag á vellinum og fannst Haraldi mikið til koma og gervigrasið allt öðruvísi en í Reykjaneshöllinni.  Þeir báðu báðir að heilsa heim.  Í aðra náðist ekki í dag.  ási

Halli og félagar hans fagna gegn Rosenborg.
Mynd af heimasíðu Aalesund.