Fréttir frá lokahófi yngri flokka Knattspyrnudeildar

Lokahóf Barna-og unglingaráðs Knattspyrnudeildar Keflavíkur var haldið í íþróttahúsinu við Sunnubraut í dag.  Farið var yfir knattspyrnuárið og voru veittar viðurkenningar til fjölmargra efnilegra knattspyrnumanna.  Auk þess að veita verðlaun til þeirra sem skáru fram úr í hverjum flokki fyrir sig voru veitt verðlaun til þeirra sem skáru fram úr yfir alla yngri flokkana.

Á síðasta ári æfðu 441 strákar og stelpur í 10 flokkum með Keflavík. Sex þjálfarar eru starfandi fyrir Barna-og  unglingaráð, yfirþjálfari drengjaflokka er Zoran Daníel Ljubicic og yfirþjálfari stúlknaflokka er Elís Kristjánsson.  Formaður Barna-og unglingaráðs er Smári Helgason.

Unnar og Óskar voru kvaddir en þeir eru að hætta sem þjálfarar hjá Keflavík.  Óskar fer til
Vestmannaeyja að þjálfa og Unnar til Fimleikafélags Hafnarfjarðar.  Barna- og unglingaráð þakkar
þeim félögum fyrir vel unnin störf í þágu félagsins og óskar þeim velfarnaðar á nýjum vígstöðvum.


Verðlaunahafar með verðlaunagripi sína.


Hér stillir 7. flokkur drengja sér upp.