Það er allt gott að frétta af Keflavíkurliðinu sem æfir nú í sólinni á Oliva Nova á Spáni.  Í gær var æfing um morguninn.  Magnús Sverrir og Einar Orri voru í lyftingarsalnum.  Ray var á skokkinu og er allur að koma til og Arnór Ingvi tók smáskokk og var svo í sólinni á hliðarlínunni.  Eftir hádegi var frí og menn slökuðu á.

 

Á seinni æfingunni var vel tekið á því og endað með leik, ungir gegn gömlum.  Ungir komust í 3-0 en gömlu komu sterkir til baka og komust yfir 3-4!  Elías Már jafnaði á síðustu mínútunni og Sindri Kristinn varði síðustu spyrnu þeirra gömlu í vítakeppni og tryggði ungum sigur.

 

Kvöldið var rólegt og að sjálfsögðu var horft á meistaradeildina.  Nánari fréttir síðar.

 

Mynd: Jón Örvar