Góður sigur á Fylki í Árbænum
Keflavíkurstúlkur sótti Fylki heim í gær í A-deild Lengjubikarsins og fóru með góðan sigur 0-3. Keflavíkurliðið er ný komið úr 10 daga æfingarferð í Tyrklandi og er greinilega í fínu formi.
Fyrri hálfleikur var frekar daufur og virkuðu Keflavíkustúlkur þreyttar, væntanlega hefur æfingarferðin með stífu ferðalagi og æfingum setið í stelpunum. Ekkert mark var skorað í fyrri hálfleik. Porca þjálfari hefur lesið vel yfir stelpunum og setti Fanney Þórunni Kristinsdóttur inn á og breytist leikur liðsins til mikilla muna. Liðið tók strax öll völd og eftir aukaspyrnu inn í teig Fylkis datt boltinn til Lilju Gunnarsdóttur sem skoraði með góðu skoti, 0-1. Meiri hraði og áræðni var komð í lið Keflavíkur. Eftir að Danka Padovac vann boltann á miðjunni sendi hún inn fyrir vörn Fylkis og þar sem Guðný Þórðardóttir stakk vörn Fylkis af og skoraði örugglega, 0-2. Þriðja mark Keflavíkur kom eftir gott spil leikmanna Keflavíkur. Boltinn endaði hjá Fanneyju Kristins sem lék á leikmann Fylkis og sendi góðan bolta fyrir markið þar sem Karen Sævarsdóttir mætti fyrst á boltann og skoraði með góðu skoti, 0-3. Og öruggur og góður sigur Keflavíkur á Fylkisliðinu sem hafði í leiknum á undan sigrað KR 4-1.
Mynd: Karen Sævarsdóttir skoraði eitt af mörkum Keflavíkur.
Keflavíkurliðið er greinilega í góðum málum þó svo að endurnýjunin hafi verið mikil undanfarið. Mikla athygli vakti framistaða Fanneyjar Kristinsdóttur sem er á seinna ári í 3. flokki, en hún er án efa leikmaður sem á mikla framtíð fyrir sér og vonandi sjáum við meira til hennar í sumar. Heimir Porca þjálfari var mjög ánægður með Fanney í þessum leik og taldi hana hafa sýnt mikinn þroska miðað við aldur og gott að vita að Keflavík á mikið af leikmönnum sem eiga framtíðina fyrir sér.
Næsti leikur Keflavíkur í Lengjubikarnum verður n.k. laugardag á KR-velli kl.16:00. Keflavík á mjög góða möguleika á því að komast í úrslitakeppni A-deildar Lengjubikarsins þetta ári.
Lið Keflavíkur: Dúfa, Ester (Bryndís), Björg Ásta, Lilja, Anna, Sonja (Fanney), Danka, Justina, Karen, Guðný, Vesna.
Varamenn: Jelena, Rebekka.
ÞÞ
