Góður sigur á ÍR
Keflavík og ÍR áttust við í Landsbankadeild kvenna s.l. mánudag. Keflavík sigraði leikinn örugglega 7-0, í hálfleik var staðan 4-0. Leikurinn var háður við erfiðar aðstæður þar sem rigning og vindur voru ráðandi.
Í fyrri hálfleik skoraði Guðný Þórðardóttir þrjú mörk og komu þau á 7., 33. og 44. mínútu. Danka Podavac skoraði svo fjórða mark Keflavíkur á 20. mínútu. Leikmenn voru hléinu fegnar þegar dómarinn flautaði til leikhlés.
Seinni hálfleikur var keimlíkur þeim fyrri þar sem Keflavíkurliðið lék með vindinn í fangið og virtist vindur hafa snúist í seinni hálfleik. Vesna Smiljkovic gerði öll mörk Keflavíkur í seinni hálfleik, 73., 79. og 87. mínútu. Var þetta sigur liðsheildarinnar og sýnir að með réttu hugarfari getur liðið gert góða hluti.
Lið Keflavíkur: Jelena, Anna, Björg Ásta, Lilja, Donna, Eva (Rebekka), Danka, Björg Magnea, Bryndís (Karen), Guðný og Vesna.
Varamenn: Dúfa, Justina, Helena og Ester.
Næsti leikur liðsins er gegn Val n.k. föstudag, 8.júní kl. 19:15, á Valbjarnarvelli.
ÞÞ
Bryndís Bjarnadóttir hefur staðið sig vel á sínu fyrsta ári í meistarflokki.
