Góður sigur hjá stelpunum

Keflavík vann nokkuð öruggan sigur á Álftanesi í Faxaflómaótinu en leikið var í Reykjaneshöllinni á föstudagskvöldið.  Leiknum lauk með 2-0 sigir en okkar stelpur voru mun sterkari allan tímann og áttu klárlega að setja fleiri mörk.  Álftanesstúlkur fengu ekki færi í leiknum en þær áttu tvö eða þrjú langskot sem voru ekki hættuleg.  Á meðan voru Keflavíkurstelpur að stjórna leiknum og fá þó nokkuð af færum og hálffærum.

Fyrsta markið kom strax á 3. mínútu og var Nína Ósk Kristinsdóttir þar að verki með frábært skot af 40 metra færi í vinkilinn!!  Hún var síðan aftur á ferðinni á 26. mínútu og skoraði með góðu skoti.  Keflavík komið í 2-0 og þar við sat.  Þetta var prýðisleikur hjá stelpunum okkar og virðist vera númer eitt hjá þeim að hafa gaman af því sem þær eru að gera.

Mynd: Nína Ósk var á skotskónum og ekki í fyrsta sinn.