Góður sigur og 2. flokkur kominn í skrið

Lið 2. flokks karla undir stjórn Ingvars Guðmundssonar vann góðan sigur á FH í Faxaflóamótinu á föstudagskvöld.  Lokatölur urðu 4-2 og það voru þeir Þorsteinn Þorsteinsson og Tómas Pálmason sem skoruðu tvö mörk hvor. Allt annað er að sjá til strákanna síðan í október og er Ingvar vissulega að gera góða hluti með þetta efnilega lið okkar.  Strákarnir eru nú komnir í fimmta sæti síns riðils með 10 stig eftir afleita byrjun í mótinu.  Þess má geta að í liðið vantaði þá Viktor Gíslason, Einar Orra Einarsson, Högna Helgason og Óttar Stein.

Næsti leikur er laugardaginn 10. mars gegn ÍA í Akraneshöllinni.

Mynd: Bjössi og félagar áttu góðan leik gegn FH. (Mynd: Jón Örvar)