Stelpurnar í 4. flokki, A- og B-liðum, tóku á móti stórveldinu KR í gærkvöldi að Iðavöllum.  Keflavíkurstúlkur sigruðu í báðum leikjunum, 2-1 og 3-0.

Hjá A-liðum var algjör einstefna að marki KR en stelpunum var algjörlega fyrirmunað að skora en leiddu þó í hálfleik 1-0.  Í þeim seinni var sama upp á teningnum en úr einni af sínum fáum sóknum tókst KR að jafna leikinn 1-1.  Það hlaut að koma að því að Keflavík skoraði mark úr einhverju þeirra aragrúa færa sem þær fengu í leiknum og það mark gerði Helena er um tíu mínutur voru til leiksloka.  Lokastaðan í leiknum var 2-1 heimastúlkum í vil en ekki hefði verið ósangjarnt að stelpurnar hefðu sigrað með 7-8 marka mun!

A-lið:
Keflavík - KR: 2 - 1 (Helena Rós Þórólfsdóttir 2)
Stúlka leiksins: Helena Rós Þórólfsdóttir

Í leik B-liðanna var nánast um endurtekningu af fyrri leiknum að ræða nema að stelpurnar nýttu færin sín örlítið betur.  Markið sem þurfti að fá í þennan leik lét samt á sér standa en um miðjan fyrri hálfleikinn braut Eyrún ísinn og skoraði fyrsta mark leiksins.  Áður en blásið var til hlés höfðu stelpurnar bætt við marki og leiddu 2-0.  Áfram hélt sóknin í síðari hálfleik en inn ætlaði boltinn ekki, ýmist fóru skotin í tréverk KR-marksins eða að við vorum að klúðra sjálfar.  Loksins, loksins kom þriðja markið eftir glæsilegt þríhyrningsspil sem lauk með skoti frá Hildi og knötturinn lá í marki gestanna.  Lokastaðan í leiknum 3-0.

B-lið:
Keflavík - KR: 3 - 0 (Eyrún Ósk Magnúsdóttir, Guðrún Ólöf Olsen, Hildur Rúnarsdóttir)
Stúlka leiksins: Marsibil Sveinsdóttir

Elís Kristjánsson, þjálfari