Guðjón og Guðný best

Þau Guðjón Árni Antoníusson og Guðný Þórðardóttir voru valin leikmenn ársins hjá Keflavík á glæsilegu lokahófi Knattspyrnudeildar.  Baldur Sigurðsson og Elísabet Ester Sævarsdóttir voru valin efnilegustu leikmennirnir.  Lokahófið var hið glæsilegasta enda full ástæða til að fagna góðu gengi í sumar.  Boðið var upp á steikarhlaðborð að hætti Halla og hans fólks í Stapanum og síðan lék hljómsveitin Sálin hans Jóns míns fyrir dansi.

Guðný og Guðjón með bikarana sem fylgja nafnbótinni leikmaður ársins.
(Mynd: Jón Björn Ólafsson / Víkurfréttir)