Guðmundur í landsliðið

Guðmundur Steinarsson hefur verið kallaður inn í landsliðshóp Íslands en hann kemur í stað Ólafs Inga Skúlasonar, sem er meiddur.  Landsliðið leikur gegn Noregi á útivelli á laugardaginn og gegn Skotlandi heima miðvikudaginn 10. september.  Við eigum þá tvo leikmenn í landsliðshópnum en Hólmar Örn er einnig í hópnum.  Guðmundur er vel að þessu kominn enda hefur hann verið að leika geysivel í toppliði Keflavíkur og er nú markahæstur í Landsbankadeildinni.  Guðmundur á einn A-landsleik að baki en hann kom gegn Brasilíu árið 2002.  Við óskum Guðmundi til hamingju með valið og óskum honum og landsliðinu góðs gengis í leikjunum framundan.

Mynd: Jón Örvar.