Guðmundur og Ingvi Rafn skrifa undir

Þeir Guðmundur Steinarsson og Ingvi Rafn Guðmundsson skrifuðu í dag undir samninga við Keflavík.  Eins og flestum er kunnugt hefur Ingvi átt við erfið meiðsli að stríða og hefur lítið getað leikið með Keflavíkurliðinu.  Ingvi er á leiðinni til Þýskalands í uppskurð en læknirinn, Dr. Seebauer, hefur náð góðum árangri í aðgerðum á íþróttafólki.  Læknirinn telur að eftir aðgerðina og nokkurra vikna sjúkraþjálfun geti Ingvi farið að leika knattspyrnu af fullum krafti.  Vonandi fáum við að sjá strákinn láta ljós sitt skína á vellinum í sumar.  Guðmundur Steinars hefur framlengt samning sinn og því ljóst að hann leikur með Keflavíkurliðinu í sumar.  Það er ánægjulegt að piltarnir hafi framlengt veru sína hjá okkur enda báðir Keflvíkingar í húð og hár og aldir upp hjá félaginu.  Við hlökkum til að sjá þá í eldlínunni með Keflavík í sumar.

Myndir: Einar Haraldsson

Ingvi Rafn og Guðmundur.

Ingvi Rafn, Rúnar formaður, Ólafur stjórnarmaður og Guðmundur.

Friðrik framkvæmdastjóri og Rúnar formaður með drengina á milli sín.