Hallgrímur til Lokeren

Hallgrímur Jónasson er á leiðinni til belgíska félagsins Lokeren til reynslu.  Hallgrímur heldur út strax eftir síðasta leikinn í Landsbankadeildinni (og lokahóf Knattspyrnudeildar á laugardagskvöldið) og verður hjá Lokeren í tvær vikur.  Hallgrímur hefur verið að leika hinar ýmsu stöður með Keflavíkurliðinu í sumar og hann hefur leikið tvo síðustu leiki U-21 árs landsliðs Íslands sem miðvörður.  Í gegnum árin hefur Lokeren verið sannkallað Íslendingalið og síðast lék Rúnar Kristinsson með liðinu.

Hallgrímur þarf að fara að æfa sig í belgískunni.
(Mynd: Jón Örvar)