Heimaleikur gegn Fylki í Borgunarbikarnum

Keflavík á heimaleik gegn Fylki í 32 liða úrslitum Borgunarbikarsins en dregið var nú í hádeginu. Til gamans má geta að öll Suðurnesjaliðin fengu heimaleik í bikarnum.  Leikirnir fara fram 25. eða 26. maí.

Þetta verður í fjórða skiptið sem við mætum Fylki í bikarkeppninni og þar hefur Keflavík alltaf farið með sigur af hólmi.  Liðin mættust fyrst í bikarnum árið 1989 þegar þau léku í 16 liða úrslitum á heimavelli Fylkis.  Keflavík vann þá 2-0 þar sem Valþór Sigþórsson og Óli Þór Magnússon gerðu mörkin.  Næsti bikarleikur þessara félaga var í 8 liða úrslitunum árið 1995 og þá á Keflavíkurvelli.  Þar vann Keflavík 2-1 en það voru þeir Ragnar Margeirsson og Kjartan Einarsson sem sáu um markaskorun.  Síðast léku liðin í bikarnum árið 2004 á Fylkisvelli en sá leikur var í 8 liða úrslitum keppninnar.  Þar gerði Þórarinn Kristjánsson eina mark leiksins fyrir Keflavík sem fór alla leið og vann bikarinn. 

Þessi lið mæt­ast í 32 liða úrslitunum:

Stjarn­an - Vík­ing­ur Ó.
ÍBV - Hug­inn
Fram - HK
Víðir - Sindri
FH - KF
Fjöln­ir - Val­ur
Kría - Breiðablik
Grinda­vík - KA
ÍA - KV
KR - Sel­foss
Hauk­ar - Vík­ing­ur R.
Reyn­ir S. - Vestri
Kefla­vík - Fylk­ir
Grótta - Augna­blik
Þrótt­ur R. - Völsung­ur
Leikn­ir R. - KFG

Mynd: Fótbolti.net - Ómar Vilhelmsson