HK í bikarnum

Keflavík mætir HK í undanúrslitum VISA-bikarsins en dregið var nú í hádeginu.  Leikurinn fer fram á Laugardalsvelli sunnudaginn 26. september kl. 14:00.  Daginn áður mætast FH og KA í hinum undanúrslitaleiknum.  Úrslitaleikurinn verður síðan á Laugardalsvellinum laugardaginn 2. október.

HK leikur í 1. deild og er nú í 2. sæti deildarinnar.  Liðið hefur verið að leika feykivel í bikarnum og slegið þar út ÍA, Reyni Sandgerði og Val.  Þess má geta að fyrirliði liðsins er fyrrverandi leikmaður okkar, Gunnleifur Gunnleifsson.