Hópferð Knattspyrnudeildar felld niður

Fyrirhuguð hópferð á leik Lilleström og Keflavíkur um næstu helgi verður ekki á vegum Knattspyrnudeildar.  Breytt ferðatilhögun liðsins verður til þess að ekki verður flogið með Fokker 50 flugvél Flugfélags Íslands eins og fyrirhugað var en í þá ferð átti að selja 18 sæti.  Keflavíkurliðið fer til Noregs á fimmtudagskvöld með Icelandair og til baka sunnudaginn 2. júlí.  Að sjálfsögðu eru stuðningsmenn Keflavíkur velkomnir á leikinn en þá fara þeir á eigin vegum.  Á skrifstofu deildarinnar eru til upplýsingar um hótel í Lilleström sem einnig eru aðgengilegar á netinu.  Þeir sem höfðu ætlað í fyrirhugaða ferð er hér með tilkynnt að kanna aðra ferðamöguleika en nokkrir aðilar eru búnir að ákveða að fara á leikinn.  ási