Hörkuleikir gegn Fjölni í 5. flokki karla
Keflavíkurpiltar í 5. flokki fóru í Egilshöll í gær og spiluðu gegn Fjölni í Íslandsmótinu. Sól og blíða utandyra en piltarnir að spila innandyra! Fjölnir er með mjög sterk lið í 5. flokki og því vitað að um erfiða leiki yrði að ræða. Piltarnir gáfu allt í leikina en náðu því miður aðeins einum sigri og töpuðu þremur leikjum.
A - lið:
Fjölnir- Keflavík 2 - 3 (0 - 1)
Mörk Keflavíkur: Elías Már Ómarsson 2 og Samúel Kári Friðjónsson.
A - liðið hefur staðið sig frábærlega í sumar og hélt áfram sigurgöngu sinni. Keflavík komst í 3 - 0 en slökuðu heldur á í seinni hálfleik og hleyptu tveimur mörkum inn og þar við sat. Fullt hús stiga hjá A - liðinu á Íslandsmótinu í sumar.
Staðan.
Leikskýrsla.
B - lið:
Fjölnir - Keflavík 3 - 2 (2 - 1)
Mörk Keflavíkur: Ari Steinn Guðmundsson og Einar Þór Kjartansson.
Þetta var langbesti leikur B - liðsins í sumar. Fjölnismenn byrjuðu betur og komust í 2 - 0 en þá tóku Keflavíkurpiltar vel við sér og jöfnuðu og áttu mörg færi til þess að gera út um leikinn. En það var sá svartklæddi sem gerði út um leikinn í þetta sinn með því að GEFA Fjölni eitt ódýrasta víti sem sést hefur og það á síðustu mínútu leiksins! Vítaspyrnan var svo tekin 6 metra frá marki en ekki 8 metra eins og vani er, dómarinn vissi ekki betur! Hann lét þó endurtaka spyrnuna á réttum stað eftir mikla reikistefnu og skoruðu Fjölnismenn einnig úr seinna vítinu. Eftir stóðu Keflavíkurpiltar gráti næst eftir hetjulega framgöngu. Þess má geta að Fjölnir hefur unnið alla leiki sína í B - liða keppninni á Íslandsmótinu.
Staðan.
Leikskýrsla.
Sameiginleg staða A og B liða.
Þrjú efstu liðin í sameiginlegri keppni A og B liða fara í úrslitakeppni Íslandsmótsins, tvö efstu liðin færast upp í A - deild næsta sumar.
C - lið:
Fjölnir - Keflavík 5 - 1 (2 - 0)
Mark Keflavíkur: Tómas Orri Grétarsson.
Piltarnir náðu ekki að fylgja eftir góðum leik gegn Selfossi fyrr í vikunni. Að þessu sinni mættu þeir geysisterku Fjölnisliði og áttu einfaldlega við ofurefli að etja.
Staðan.
Leikskýrsla.
D - lið:
Fjölnir - Keflavík 5 - 3 (3 - 1)
Mörk Keflavíkur: Hafsteinn Óli Sverrisson 2 og Óðinn Jóhannsson.
Slæmur fyrri hálfleikur hjá piltunum en þeir komu ákveðnir til leiks í síðari hálfleik, en það dugði því miður ekki til sigurs að þessu sinni.
Staðan.
Leikskýrsla.
Næsti leikur Keflavíkur á Íslandsmótinu er gegn Haukum. Leikið verður á Iðavöllum fimmtudaginn 19. júlí. Upphitunarleikur fyrir Evrópuleik Keflavíkur.
Arnþór Ingi Guðjónsson er hér í leik gegn Fjölni á N1 mótinu fyrr í sumar.
Arnþór átti mjög góðan leik í vörn A - liðs Keflvíkur gegn Fjölni í gær.
