ÍA - Keflavík á sunnudag kl. 19:15

ÍA og Keflavík mætast í 4. umferð Pepsi-deildarinnar á sunnudag.  Leikurinn hefst kl. 19:15 á Akranesvelli.  Skagamenn hafa byrjað mótið af krafti og eru með fullt hús stiga eftir þrjár umferðir.  Okkar lið er með fjögur stig eftir jafntefli, sigur og tap í fyrstu leikjunum.  Það er alltaf hart tekist á þegar þessi lið mætast og nokkuð víst að svo verður einnig í þetta sinn.  Dómari leiksins verður Þóroddur Hjaltalín Jr., aðstoðardómarar hans verða Áskell Þór Gíslason og Haukur Erlingsson og Ari Þórðarson er eftirlitsmaður KSÍ.
 
Keflavík og ÍA hafa mæst 85 sinni í efstu deild og hafa Skagamenn talsverða yfirburði í viðureignum liðanna.  Liðin mættust fyrst árið 1958 þegar við lékum fyrst í efstu deild.  Akranes vann þann leik 5-1 en Högni Gunnlaugsson skoraði mark Keflavíkur.  Alls hefur ÍA sigrað í 46 leikjum, 12 sinnum hefur orðið jafntefli en Keflavík hefur unnið 27 leiki.  Markatalan er 104-176, Skagamönnum í vil.  Stærstu sigrar Keflavíkur í leikjum liðanna eru 4-1 sigrar 1973 og 2008 en stærsta tapið var 0-9 tap árið 1959 en það er stærsta tap Keflavíkur í efstu deild.  Tveir leikmenn í leikmannahópi Keflavíkur hafa skorað gegn ÍA í efstu deild; Guðmundur Steinarsson hefur skorað fjögur mörk og Magnús Þorsteinsson eitt.

Liðin mættust tvisvar í næstefstu deild en það var árið 1991.  Skagamenn unnu báða leikina og markatalan var 1-6.

Keflavík og ÍA hafa leikið 13 leiki í bikarkeppninni, fyrst árið 1960 og síðast árið 2006.  Keflavík hefur unnið 5 leikjanna en ÍA 7 en einum lauk með jafntefli.  Markatalan er 16-19 fyrir ÍA.  Guðmundur Steinarsson hefur skorað tvö bikarmörk gegn Skaganum en þau mörk komu í mögnuðum bikarleik liðanna árið 2006.

Liðin léku síðast í efstu deild árið 2006 og vann Keflavík báða leikina sem voru miklir markaleikir.  Fyrri leikurinn fór fram Keflavík og fór 3-1.  Hallgrímur Jónasson, Guðmundur Steinarsson  og Þórarinn Kristjánsson skoruðu fyrir Keflavík en Vjekoslav Svaðumovic fyrir gestina.  Í seinni leiknum á Akranesi gerði Keflavík enn betur og vann 4-1 þar sem Patrik Redo gerði tvö markanna og Símun Samuelsen og Guðmundur Steinarsson eitt mark hvor.  Arnar Gunnlaugsson gerði mark ÍA.

Í gegnum árin hafa nokkir leikmenn leikið með báðum þessum liðum og má þar nefna Bjarna Sigurðsson, Kristján Jóhannsson og Bjarka Freyr Guðmundsson.

Úrslit í leikjum ÍA og Keflavíkur á Akranesi hafa orðið þessi í efstu deild undanfarin ár: