Iðavellir 7 vígðir í dag

Í dag var æfinga- og keppnissvæðið að Iðavöllum 7 vígt formlega og fengu yngri flokkar Keflavíkur það þá afhent til afnota.  Uppbygging svæðisins er hluti af samningi knattspyrnudeildar og Reykjanesbæjar um uppbyggingu knattspyrnuaðstöðu í Keflavík.   Völlurinn að Iðavöllum hefur verið í notkun um tíma en nú er þar kominn búninga- og salernisaðstaða sem hefur sérlega vantað.  Þar verður nú aðalæfinga- og keppnisaðstaða yngri flokka Keflavíkur.

Árni Sigfússon, bæjarstjóri Reykjanesbæjar, afhenti knattspyrnudeild húsið fyrir hönd bæjarins og lagði áherslu á að áfram yrði haldið með uppbyggingu aðstöðu við Iðavelli og aðalvöllinn við Hringbraut en auk þess er verið að undirbúa uppbyggingu á nýju svæði við Reykjaneshöllina.

Iðavellir 7.

Árni Sigfússon, bæjarstjóri Reykjanesbæjar og
Rúnar Arnarson, formaður knattspyrnudeildar Keflavíkur.


Aðstaðan að Iðavöllum er orðin til fyrirmyndar.