Ingvi Rafn í U21 árs liðið

Ingvi Rafn Guðmundsson hefur verið valinn í landsliðshóp U21 árs landsliðsins fyrir tvo leiki sem framundan eru hjá liðinu.  Eyjólfur Sverrissson, þjálfari liðsins, valdi Ingva Rafn í stað Pálma Rafns Pálmasonar sem þurfti að draga sig út úr hópnum vegna meiðsla.  Þetta er í fyrsta sinn sem hann er valinn í U21 árs liðið en hann á að baki leiki með U19 ára landsliði Íslands.  Ingvi Rafn er þá þriðji leikmaður okkar í liðinu en þeir Hörður Sveinsson og Jónas Sævarsson eru einnig í hópnum.  Við óskum þeim þremenningum góðs gengis og vitum að þeir eiga eftir að standa sig vel og vera Keflavík til sóma.

Ingvi Rafn með boltann í leik gegn ÍBV á dögunum.
(Mynd: Héðinn Eiríksson / Víkurfréttir)