Jafntefli gegn HK

Það voru vonbrigði að gera aðeins jafntefli við HK í leik liðanna í Deildarbikarnum á laugardaginn.  Keflavík slapp jafnvel með skrekkinn því HK-menn áttu hættuleg færi í seinni hálfleik sem hæglega hefðu getað kostað mörk.  Þrátt fyrir að bæði mörk gestanna hafi komið eftir hendi og rangstöðu megum við aldrei hætta fyrr en dómarinn hefur flautað á brotið.  Fyrri hálfleikur var líflega leikinn af hálfu Keflvíkinga og Hörður Sveinsson sem kom aftur inn í liðið eftir nokkura vikna fjarveru vegna meiðsla skoraði tvö mörk, á 37. og 41. mínútu og með meiri leikæfingu hefði hann getað bætt við mörkum.  Staðan 2-0 í hálfleik og menn voru nokkuð bjartir á framhaldið en það voru HK-menn sem skoruðu mörkin í síðari hálfleik.  Á 66. mínútu skoraði Hörður M. Magnússon og það var síðan Stefán G. Eggertsson sem jafnaði leikinn á þeirri 68.  Úrslit annara leikja ráða framvindu okkar í Deildarbikarnum.

Byrjunarlið Keflavíkur í leiknum: Magnús Þormar, Ásgrímur, Guðjón Árni, Gestur, Jónas Guðni, Ólafur Ívar, Hólmar Örn, Þorsteinn Atli, Hörður, Kjartan, og Atli Rúnar.  Í síðari hálfleik komu þeir Scott og Sigþór inn á og Davíð Hallgrímsson í sinn fyrsta meistaraflokksleik.  ási