Jóhann Birnir á skotskónum

Okkar menn í útlöndum fara heldur betur hamförum þessa dagana.  Jóhann B. Guðmundsson skoraði fyrir lið sitt GAIS frá Gautaborg gegn Malmö FF á föstudag.  Þar var um að ræða æfingaleik sem lauk með 2-0 sigri GAIS-liða.  Jói skoraði seinna markið á 36. mínútu en hann lék á vinstri kantinum í leiknum.  Jóhanni hefur gengið vel með liðinu en hann gekk til liðs við GAIS frá Örgryte í vetur.  Jóhann hefur skorað 3 mörk í sex æfingaleikjum og fengið góða dóma fyrir leik sinn.  Meira má sjá um Jóhann og félagið á heimasíðu GAIS.

Mynd: Jóhann í búningi GAIS (Göteborgs Atlet & Idrottssällskap).