Jólagleði yngri flokka á þriðjudag

Jólagleði yngri flokka fer fram þriðjudaginn 20. desember í Reykjaneshöll.  Gleðin er fyrir pilta og stúlkur í 5. og 6. aldursflokki og hefst fjörið kl. 13:30 og lýkur um kl. 16:00.  Margt  verður til gamans gert en fótboltinn verður þó í hávegum hafður.  Leikmenn meistaraflokks Keflavíkur koma í heimsókn og spila þeir m.a. með krökkunum fótbolta ásamt því að afhenda verðlaun dagsins.  

Jólagleðin er nú haldin í fimmta sinn og hefur það verið til siðs hjá krökkunum að mæta í ansi skemmtilegum og skrautlegum klæðnaði ásamt fjölbreyttri hárgreiðslu.  Verðlaun verða einmitt veitt fyrir "skemmtilegasta búninginn" og "flippaðasta hárið"!  Í lok dags verður svo pizzuveisla frá Langbest.  Það verður án efa líf og fjör í Höllinni og eru foreldrar og aðrir hvattir til þess að kíkja við í Höllinni og sjá litmikinn og skemmtilegan fótbolta þar sem knattspyrnuhetjurnar okkar í dag ásamt þeim upprennandi spila saman.

Hér að neðan eru svo nokkrar myndir frá Jólagleðinni á síðasta ári, svona rétt til að komast í réttu stemmninguna!