Jón Pétur Róbertsson hefur verið ráðinn framkvæmdastjóri knattspyrnudeildar. Jón Pétur er ekki ókunnugur í Keflavík því hann var yfirþjálfari yngri flokka Keflavíkur árið 1998. Eftir það hélt hann til Gautaborgar og lauk þar námi sem íþrótta- og tómstundafulltrúi en Jón Pétur er einnig menntaður sem knattspyrnuþjálfari frá Svíþjóð. Nú síðast var hann framkvæmdastjóri unglingalandsmóts UMFÍ á Ísafirði. Við bjóðum Jón Pétur velkominn til starfa en hann hefur störf 15. október.
