Keflavík - Fylkir á laugardag kl. 14:00

Stelpurnar okkar hefja leik í Pepsi-deildinni laugardaginn 9. maí.  Þá koma Fylkisstúlkur í heimsókn á Sparisjóðsvöllinn og verður flautað til leiks kl. 14:00.  Eins og fram hefur komið hafa margir reyndustu leikmenn Keflavíkur yfirgefið liðið frá síðasta sumri og enginn erlendur leikmaður mun leika með liðinu á þessu keppnistímabili.  Það er því ljóst að yngri leikmenn taka við keflinu í sumar og því veitir ekki af stuðningi áhorfenda á leikjum sumarsins.  Við hvetjum stuðningsmenn til að láta sjá sig á vellinum og styðja stelpurnar okkar til dáða.

Eins og undanfarin ár ætla samstarfsfyrirtæki að styrkja heimaleiki kvennaliðsins í sumar.  Fyrsti leikurinn er DHL-leikurinn en þessi stuðningur þýðir m.a. að ókeypis er inn á heimaleiki liðsins.