Keflavík - Hamar á fimmtudag kl. 20:00

Á fimmtudag leika Keflavík og Hamar í 16 liða úrslitum Borgunarbikarsins en leikið verður á Nettó-vellinum.  Athugið að leikurinn byrjar kl. 20:00.  Dómari leiksins verður Pétur Guðmundsson og aðstoðardómarar þeir Andri Vigfússon og Adolf Þorberg Andersen en eftirlitsmaður KSÍ verður Ólafur Kjartansson.

Hamar leikur í 3. deildinni í sumar.  Liðið vann Snæfell í 1. umferð keppninnar, KFR í 2. umferð og KF í 32 liða úrslitum en leikirnir voru allir á heimavelli Hamars.  Keflavík vann Augnablik í 32 liða úrslitunum.

Þetta verður í fyrsta skipti sem Keflavík og Hamar leika í bikarkeppninni.

Félagsheimilið verður opið fyrir leikinn og þar opnum við kl. 19:00.  Að þessu sinni verður ekkert grill en í staðinn verður boðið upp á kaffisopa.  Kristján þjálfari mætir eins og venjulega um 40 mínútum fyrir leik og segir nokkur orð um leikinn.