Keflavík - HK/Víkingur á þriðjudag kl. 20:00

Þriðjudaginn 8. júlí er komið að leik í 1. deildinni en þá taka stelpurnar á móti HK/Víking.  Leikurinn hefst á Nettó-vellinum kl. 20:00.  Fyrir leikinn er Keflavík með eitt stig í riðlinum en HK/Víkingur er með 16 stig.  Dómari leiksins verður Hörður Aðalsteinsson og aðstoðardómarar þeir Sigurður Smári Hansson og Eysteinn Hrafnkelsson.

Okkar lið hefur átt nokkuð erfitt uppdráttar í sumar og gert eitt jafntefli en tapað sjö leikum.  Eins og undanfarin ár er liðið eingöngu skipað heimastúlkum sem eru margar að stíga sín fyrstu skref í meistaraflokki.  Stelpurnar hafa staðið sig með prýði í sumar og þó nokkrir leikir hafa tapast með minnsta mun.  Eftir átta leiki er markatala liðsins 4-20 sem gerir 0,5-2,5 mörk að meðaltali í leik.  Það er ásættanlegt en í sumar hafa reyndar ekki sést eins stórar tölur í riðlinum og oft vill verða í 1. deildinni.  Vonandi halda stelpurnar áfram að bæta sig og það er rétt að hvetja stuðningsmenn til að mæta á leiki liðsins og hvetja okkar lið.