Keflavík - KR á laugardag kl. 16:00

Laugardaginn 19. mars leika Keflavík og KR í Lengjubikarnum.  Leikurinn verður í Reykjaneshöllinni og hefst kl. 16:00.  Fyrir leikinn er KR með 9 stig eftir þrjá leiki en Keflavík er með 4 stig, sömuleiðis eftir þrjá leiki.  Það er því ljóst að okkar menn þurfa sigur í leiknum.  Dómari leiksins verður Leiknir Ágústsson og aðstoðardómarar þeir Frosti Viðar Gunnarsson og Viðar Helgason. 

Keflavík og KR hafa leikið sjö leiki í deildarbikarnum, fyrst árið 1997 og síðast í fyrra.  KR hefur unnið fjóra leiki og Keflavík tvo en einum leik lauk með jafntefli.  Markatalan í leikjum liðanna er 9-15 fyrir KR.

Fyrir þá sem ekki eiga heimangegnt má geta þess að leikurinn verður sýndur beint á SportTV.