Keflavík - Stjarnan á mánudag kl. 20:00
Næsti leikur í Pepsi-deildinni er ekki af verri endanum enda koma Íslandsmeistarar Stjörnunnar í heimsókn í 10. umferð deildarinnar. Leikurinn verður á Nettó-vellinum í Keflavík mánudaginn 29. júní kl. 20:00. Ekki þarf að taka fram að það er mikið í húfi hjá báðum liðum en fyrir leikinn er Keflavík í 12. sæti deildarinnar með fjögur stig en Stjarnan er í 7. sætinu með 12 stig. Þess má geta að leikurinn verður sýndur beint á Stöð 2 Sport.
Dómararnir
Dómari leiksins verður Valgeir Valgeirsson, aðstoðardómarar þeir Halldór Breiðfjörð Jóhannsson og Gunnar Helgason, varadómari er Ívar Orri Kristjánsson og eftirlitsmaður KSÍ er Ólafur Kjartansson.
Stuðullinn
| 1 | X | 2 | |
| Lengjan | 4,35 | 3,10 | 1,50 |
Getraunanúmer Keflavíkur er 230.
Efsta deild
Keflavík og Stjarnan hafa leikið 20 leiki í efstu deild, þann fyrsta árið 1994. Það hefur verið mikið jafnræði með liðunum sem hafa bæði unnið sjö leiki en sex sinnum hefur orðið jafntefli. Markatalan er einnig jöfn, 28-28. Stærsti sigur Stjörnunnar var 4-0 heimasigur árið 2010 en stærsti Keflavíkursigurinn var 4-1 leikur á heimavelli árið 1994. Mesti markaleikur þessara liða var 4-2 sigur Keflavíkur árið 2011.
Liðin hafa leikið 10 sinnum í Keflavík í efstu deild. Þar hefur Keflavík unnið fjóra leiki, þremur hefur lokið með jafntefli og Stjarnan hefur unnið þrjá leiki hér í efstu deildinni. Markatalan í heimaleikjum gegn Stjörnunni er 16-13 fyrir Keflavík.
Alls hafa 14 leikmenn skorað fyrir Keflavík gegn Stjörnunni í efstu deild. Þar er Jóhann Birnir Guðmundsson efstur á blaði með fimm mörk en næstir koma Hörður Sveinsson og Guðmundur Steinarsson með fjögur mörk hvor.
B-deild
Liðin léku fjóra leiki í B-deildinni, árin 1992 og 2003. Keflavík vann tvo þessara leikja og Stjarnan einn en einum leik lauk með jafntefli. Markatalan er 8-6 fyrir Keflavík. Einn núverandi leikmaður Keflavíkur hefur skorað í leikjum liðanna í næstefstu deild en það er Magnús Þorsteinsson.
Bikarkeppnin
Keflavík og Stjarnan hafa aðeins einu sinni mæst í bikarkeppni KSÍ en það var árið 2008. Þá vann Keflavík 2-1 á heimavelli í 32 liða úrslitum keppninnar. Magnús Þorsteinsson skoraði fyrir Keflavík í þeim leik.
Síðast
Liðin mættust að sjálfsögðu tvisvar í Pepsi-deildinni síðasta sumar. Fyrri leikurinn var á Nettó-vellinum og þar var um hörkuleik að ræða sem lauk með 2-2 jafntefli. Sindri Snær Magnússon gerði bæði mörk okkar manna en Jeppe Hansen og Ólafur Karl Finsen skoruðu fyrir Stjörnuna. Stjörnumenn unnu síðan sinn heimaleik 2-0 þar sem Pablo Punyed og Veigar Páll Gunnarsson gerðu mörkin.
Bæði lið
Nokkrir leikmenn hafa leikið með bæði Keflavík og Stjörnunni í gegnum árin, m.a. Grétar Atli Grétarsson, Adolf Sveinsson, Kristinn Guðbrandsson, Helgi Björgvinsson og markmennirnir Bjarki Freyr Guðmundsson og Magnús Þormar. Um mitt síðasta sumar gengu síðan þrír leikmenn Stjörnunnar í okkar raðir en það vour þeir Aron Grétar Jafetsson, Aron Rúnarsson Heiðdal og Hilmar Þór Hilmarsson.
Síðustu leikir
Úrslit í leikjum Keflavíkur og Stjörnunnar í Keflavík hafa orðið þessi undanfarin ár:
| Dags. | Keppni | Áh. | Úrslit | Mörk Keflavíkur |
| 15.06.2014 | A-deild | 950 | 2-2 |
Sindri Snær Magnússon 50. Sindri Snær Magnússon 68. |
| 01.09.2013 | A-deild | 890 | 0-2 | |
| 14.05.2012 | A-deild | 640 | 0-1 | |
| 02.05.2011 | A-deild | 1115 | 4-2 |
Hilmar Geir Eiðsson 33. Guðmundur Steinarsson 64. (v) Jóhann Birnir Guðmundsson 80. Jóhann Birnir Guðmundsson 85. |
| Mesti markaleikur Keflavíkur og Stjörnunnar í efstu deild | ||||
| 23.08.2010 | A-deild | 970 | 2-2 |
Hörður Sveinsson 2. Hörður Sveinsson 51. |
| 01.06.2009 | A-deild | 1980 | 1-1 | Hörður Sveinsson 25. |
| Guðjón Árni Antoníusson fékk rautt spjald | ||||
| 19.06.2008 | Bikarkeppni | 243 | 2-1 |
Magnús Þorsteinsson 32. Sjálfsmark 38. |
| Leikur í 32 liða úrslitum | ||||
| 19.05.2003 | B-deild | - | 5-3 |
Magnús Þorsteinsson 17. Stefán Gíslason 55. (v) Adolf Sveinsson 76. Stefán Gíslason 80. (v) Hafsteinn Rúnarsson 88.. |
| 06.06.2000 | A-deild | 370 | 1-0 | Guðmundur Steinarsson 8. |
| Jakob Már Jónharðsson fékk rautt spjald | ||||
| 17.07.1997 | A-deild | 705 | 2-1 |
Eysteinn Hauksson 55. (v) Haukur Ingi Guðnason 88. |
