Keflavík - Valur á laugardag kl. 16:00

Á laugardaginn mætast Keflavík og Valur í 17. og næstsíðustu umferð Landsbankadeildarinnar.  Leikurinn fer fram á Keflavíkurvelli og hefst kl. 16:00.  Reikna má með hörkuleik enda er lið Vals í 2. sæti deildarinnar og Keflavík í því 4. en á toppi deildarinnar er barist um Evrópusæti og reyndar eiga Valsmenn enn möguleika á titlinum.  Dómari leiksins verður Erlendur Eiríksson, aðstoðardómarar þeir Gunnar Gylfason og Einar Sigurðsson en eftirlitsmaður KSÍ er Geir Agnar Guðsteinsson .

Keflavík og Valur hafa leikið 78 leiki í efstu deild, þann fyrsta árið 1958 þegar liðin gerðu 1-1 jafntefli.  Þess má geta að Sigurður Albertsson skoraði mark Keflavíkur í þeim leik.  Keflavík hefur unnið 25 leikjanna, Valur hefur hins vegar sigrað 31 sinni en 22 leikjum hefur lokið með jafntefli.  Markatalan er 111-121, Val í hag.  Stærsti sigur Vals í leikjum liðanna var 7-1 sigur á Hlíðarenda árið 1987 og það er jafnframt mesti markaleikur sem liðin hafa háð.  Stærstu sigrar Keflavíkur hafa verið með fjögurra marka mun, tveir 4-0 sigrar árið 1973 og 5-1 sigur árið 1964.  Fjórir leikmenn sem nú eru í leikmannahópi Keflavíkur hefur skorað gegn Val; Þórarinn Kristjánsson hefur skorað þrjú mörk og þeir Stefán Örn Arnarson, Magnús Þorsteinsson og Guðmundur Steinarsson hafa skorað eitt mark hver.

Liðin hafa mæst sex sinnum í bikarkeppni KSÍ, fyrst árið 1970 en síðast árið 1997.  Keflavíkur hefur unnið 4 fjóra leiki en Valur 2; markatalan þar er 13-8 fyrir Keflavík. 

Liðin mættust í 8. umferð Landsbankadeildarinnar fyrr í sumar og þá varð markalaust jafntefli á Laugardalsvelli.  Undanfarin ár hefur verið jafnræði með liðunum í leikjum þeirra á Keflavíkurvelli.  Þegar síðustu tíu leikir eru skoðaðir hefur hvort lið unnið tvo leiki en sex hefur lokið með jafntefli, þar á meðal er eftirminnilegt 4-4 jafntefli árið 1999.

Úrslit í leikjum Keflavíkur og Vals í Keflavík hafa orðið þessi undanfarin ár: