Keflavík Íslandsmeistari í eldri flokki

Í gær fór fram í Egilshöll úrslitaleikur í eldri flokki karla á milli ÍR og Keflavíkur.  Það var ekki um síðri spennu að ræða en í leiknum gegn Carl í undanúrslitunum, en vítaspyrnukeppni þurfti nú líkt og þá til að skera úr um úrslit. Keflavík komst í 1 - 0 með marki frá markamaskínunni Jakobi Má Jónharðssyni en ÍR ingar jöfnuðu rétt fyrir hálfleik. Leikurinn var í járnum allan síðari hálfleikinn en það voru ÍR - ingar sem náðu forystunni þegar um 5 mín. lifðu leiks.  Keflvíkingar lögðu ekki árar í bát frekar en fyrri daginn enda þekktir fyrir allt annað. Þegar rétt tæpar 2 mín. voru komnar fram yfir venjulegan leiktíma fengu Keflvíkingar aukaspyrnu á miðjum vallarhelmingi ÍR.  Gunnar Oddsson lagði knöttinn til hliðar á Guðmund Þór Brynjarsson sem HAMRAÐI knettinum með vinstri fæti efst í markvinkilinn fjær, stórkostlegt mark. ÍR - ingar tóku miðju og dómarinn flautaði til leiksloka. Í fyrri hálfleik framlengingar kom Gunnar Oddsson Keflavík í 3 - 2 með marki úr vítaspyrnu. Það var svo stíf pressa á mark Keflavíkur á lokamínútum leiksins sem skilaði ÍR jöfnunarmarkinu þegar 10 sek. voru til leiksloka. Það þurfti því vítaspyrnukeppni (3 víti á lið) til þess að knýja fram úrslit. ÍR-ingar skoruðu úr sínum þremur vítum en Keflvíkingar létu verja hjá sér spyrnu nr. 2 og þar við sat og því þurfti ekki á þriðja víti Keflvíkinga að halda.  ÍR-ingar sigruðu því úrslitaleikinn 6 - 5 en Keflvíkingar fengu Íslandsmeistaratitilinn afhentan í leikslok !!!

Í reglugerð KSÍ segir:
39.1. Lið, sem ekki mætir til leiks og hefur engar gildar ástæður, telst hafa tapað leiknum 0-3.
Viðkomandi lið getur ekki orðið sigurvegari í yfirstandandi móti......