Landsleikur á Nettó-vellinum

Við vekjum athygli á því að U-17 ára landslið Íslands og Hollands leika á Opna Norðurlandamóti stúlkna á Nettó-vellinum í dag þriðjudag kl. 16:00.  Liðin leika í A-riðli mótsins ásamt Finnlandi og Þýskalandi og fara allir leikirnir í riðlinum fram á Suðurnesjum.  Íslensku stúlkurnar töpuðu gegn sterku þýsku liði í fyrsta leik sínum en stóðu sig með prýði.  Hollenska liðið tapaði gegn Finnum í fyrstu umferðinni og það ætti því að verða jafn og skemmtilegur leikur á heimavellinum okkar í dag.

Síðasta umferð riðlakeppninnar fer fram á fimmtudaginn og þá leika liðin í A-riðlinum á N1-vellinum í Sandgerði.  Þar leika Holland og Þýskaland kl. 12:30 og síðan leika Ísland og Finnland kl. 16:30.

Við hvetjum Keflvíkinga og aðra Suðurnesjamenn til að mæta á leikina og styðja íslenska liðið.