Lasse mættur

Það er okkur sönn ánægja að segja frá því að danski markvörðurinn Lasse Jörgensen er kominn aftur í okkar herbúðir og verður þar út þetta leiktímabil.  Það þarf ekki að kynna piltinn fyrir stuðningsmönnum Keflavíkur en hann varði mark okkar í fyrra og stóð sig frábærlega.  Þá kom hann í stað Ómars okkar sem var að jafna sig eftir axlaraðgerð.  Eins og fram hefur komið hefur Ómar aftur lent í vandræðum með meiðslí í sumar og því var gripið til þess ráðs að fá Lasse upp á klakann.  Við bjóðum drenginn velkominn aftur.