Leikið gegn ÍBV í úrslitakeppninni

Nú er ljóst að andstæðingar okkar í úrslitarimmunni um laust sæti í úrvalsdeild kvenna verða ÍBV.  Þær sigruðu í B-riðli 1. deildar með því að sigra Selfoss 6-0 í síðasta leik riðilsins.  ÍBV vann því riðilinn og Selfoss hafnaði í 2. sæti.  Okkar lið varð í 2. sæti A-riðils þar sem Þróttur R. sigraði og leikur gegn Selfyssingum í undanúrslitunum.

Fyrri leikur okkar við Eyjastelpur verður á Sparisjóðsvellinum laugardaginn 28. ágúst kl. 14:00.  Síðari leikurinn verður síðan úti í Eyjum miðvikudaginn 1. september kl. 17:30.  Það er ljóst að krefjandi verkefni er framundan og stelpurnar þurfa á öllum þeim stuðningi að halda sem völ er á.  Við viljum því hvetja alla þá sem áhuga hafa á knattspyrnu að mæta á völlinn og hvetja okkar stelpur til sigurs.  Þær eiga það svo innilega skilið.  Áfram Keflavík.