Leikið við ÍA á fimmtudag

Næsti leikur okkar manna í Lengjubikarnum er fimmtudaginn 22. mars.  Þá skreppur liðið upp á Skaga og mætir liði ÍA í Akraneshöllinni kl. 18:30.  Keflavík hefur nú unnið tvo og tapað tveimur leikjum í keppninni.  Það er óhætt að segja að mörkin láti ekki á sér standa hjá Keflavík en í leikjunum fjórum hafa verið skoruð 23 mörk.  Skagamenn hafa eitt stig eftir fjóra leiki í Lengjubikarnum; liðið gerði jafntefli við Fjölni en hefur tapað fyrir Fram, KR og Breiðabliki.  Það verður því fróðlegt að sjá hvernig gengur gegn Guðjóni Þórðarsyni og lærisveinum hans á Skaganum.