Hólmar Örn Rúnarsson
28 ára - Númer: 25
Deild: 137/23   Bikar: 22/6   Evrópa: 8/1
1 leikur U-21 árs
Bikarmeistari með Keflavík 2004 og 2006

Keflvíkingur í húð og hár sem lék um tíma með Silkeborg í Danmörku.  Lykilmaður á miðjunni hjá liðinu.  Hefur verið valinn í nokkra landsliðshópa en á eftir að leika sinn fyrsta landsleik.

Paul McShane
32 ára - Númer: 5

Gekk til liðs við Keflavík fyrir þetta tímabil.  Var hjá Glasgow Rangers sem unglingur en hefur leikið á Íslandi í áratug, fyrst með Grindavík og tvö síðustu árin með Fram.  Á að baki 177 leiki í efstu deild og hefur skorað í þeim 23 mörk.

Andri Steinn Birgisson
26 ára - Númer: 8
2 leikir U-19 ára

Kom til liðs við Keflavík í vor frá Fjölnir.  Hefur auk þess leikið í Noregi og Grindavík og með úrvali liða af höfuðborgarsvæðinu.  Sterkur miðjumaður sem getur einnig leikið sem miðvörður.  Á að baki 63 leiki í efstu deild og fimm mörk.

Einar Orri Einarsson
20 ára - Númer: 6
Deild: 37   Bikar: 6   Evrópa: 4
3 leikir U-18 ára, 4 U-17 ára
Bikarmeistari með Keflavík 2006

Uppalinn í Keflavík og er kominn með þó nokkra reynslu með meistaraflokki þrátt fyrir ungan aldur.  Hefur venjulega leikið sem aftasti miðjumaður en hefur einnig verið að leika sem miðvörður í vorleikjunum.

Jóhann Birnir Guðmundsson
32 ára - Númer: 7
Deild: 73/18   Bikar: 14/5   Evrópa: 8/1
8 landsleikir, 11/5 U-21 árs, 10/1 U-19 ára, 2 U-17 ára
Bikarmeistari með Keflavík 1997

Kemur úr Garðinum og hóf ferilinn með Víði eins og fleiri góðir menn.  Lék fyrst með Keflavík árið 1994 og sneri aftur árið 2008 eftir áratug sem atvinnumaður í Englandi, Noregi og Svíþjóð.  Lék um tíma með Watford og er einlægur aðdáandi Elton John síðan þá.  Aldursforseti liðsins.

Magnús Sverrir Þorsteinsson
27 ára - Númer: 11
Deild: 140/30   Bikar: 21/5   Evrópa: 7/1
5 leikir U-21 árs, 4 U-18 ára, 7/3 U-16 ára
Bikarmeistari með Keflavík 2004 og 2006

Heimamaður sem lék með Keflavík í gegnum alla yngri flokka og byrjaði með meistaraflokki árið 1999.  Lék eitt sumar með Grindavík.  Sló í gegn sem "super-sub" árið 2008 og skoraði þá öll fimm mörk sín í deildinni eftir að hafa komið inn á sem varamaður.  Skoraði sjö mörk í deildinni í fyrra sem er hans besti árangur til þessa.

Ómar Karl Sigurðsson
27 ára - Númer: 26

Gekk til liðs við Keflavík fyrir þetta tímabil eftir að hafa leikið með liði í Noregi.  Lék áður lengi með Haukum, m.a. undir stjórn Willums Þórs.  Sprækur kantmaður sem hefur sýnt skemmtilega takta í vorleikjunum.

Magnús Þór Magnússon
18 ára - Númer: 22
Deild: 2   Bikar: 3

Enn einn ungi leikmaðurinn sem er að koma upp úr yngri flokkum félagsins og bankar á dyrnar hjá liðinu.  Lék fyrst með meistaraflokki í fyrra og hefur verið að leika þó nokkuð á undirbúningstímabilinu.

Bojan Stefán Ljubicic
17 ára - Númer: 15
Deild: 4
2 leikir U-18 ára

Kemur upp úr yngri flokkunum og lék fyrst með liðinu á síðasta tímabili.  Faðir hans er Zoran Daníel, fyrrum fyrirliði Keflavíkur, og nú þjálfari yngri flokka hjá félaginu.

Sigurbergur Elísson
17 ára - Númer: 23
Deild: 2
3/1 leikir U-17 ára

Varð yngsti leikmaður efstu deildar karla þegar hann lék gegn Fylki í september 2007, þá 15 ára og 149 daga gamall.  Hefur átt við meiðsli að stríða og náði ekkert að leika í fyrra.  Faðir hans er Elís Kristjánsson, aðstoðarþjálfari meistaraflokks kvenna og þjálfari yngri flokka kvenna hjá Keflavík.

Kayleden Brown
18 ára - Númer: 28

Verður hjá Keflavík í sumar sem lánsmaður frá West Bromwich Albion.  Hefur leikið með unglinga- og varaliði félagsins en tókst að komast í bekkinn í leik í vetur og var einnig í láni hjá utandeildarliðinu Barrow.  Hefur leikið með unglingalandsliðum Wales og er nú í U-19 ára landsliðinu sem er með Íslandi í riðli í undankeppni Evrópukeppninnar.