Lokaæfing 8. flokks!
Í vetur hafa allra yngstu iðkendurnir í 8. flokki Keflavíkur (3 - 5 ára) stundað æfingar í íþróttahúsinu við Sunnubraut af miklu kappi. Síðasta æfing fyrir jól var s.l. þriðjudag og var mikið fjör hjá börnunum eins og venjulega. Eins og sjá má á myndunum hér að neðan er fleira gert en að sparka í bolta. Á æfingunum er lögð áhersla á fjölbreytta hreyfingu sem stuðlar að auknum hreyfiþroska og eru hinar ýmsu íþróttagreinar prófaðar, þó knattspyrnan sé í hávegum höfð. Í lok æfingar kom Keli Keflvíkingur í heimsókn við mikla kátínu og færði krökkunum bol að gjöf. Æfingar hjá 8. flokki hefjast á ný í janúar og verða auglýstar hér á Keflavíkursíðunni.
