Lokahófið 21. október

Lokahóf Knattspyrnudeildar verður í Stapa laugardaginn 21. október.  Hófið verður óvenjuglæsilegt að þessu sinni enda rík ástæða til að fagna góðu gengi meistaraflokka félagsins, ekki síst bikarmeistaratitlinum.  Boðið verður upp á glæsilegan kvöldverð og hljómsveitin Sálin hans Jóns míns leikur fyrir dansi.  Miðinn kostar 4.900 kr. en miðasala hefst í næstu viku.  Þá komum við með nánari upplýsingar um hvernig hægt verður að nálgast miða á þennan glæsilega endapunkt knattspyrnuvertíðarinnar í Keflavík.

Hrefna Magnea og Jónas Guðni voru leikmenn ársins í fyrra.
(Mynd: Jón Örvar Arason)