Magnús Þórir í U-19 ára liðinu

Magnús Þórir Matthíasson hefur verið valinn í U-19 ára landslið karla sem leikur tvo vináttuleiki gegn N-Írum.  Hann er í 18 manna hópa Kristins Rúnar Jónssonar en liðið leikur vináttuleiki gegn liði N-Írlands 8. og 10. september og fara leikirnir fram ytra.  Magnús hefur verið að leika vel með 2. flokki Keflavíkur sem er í toppbaráttunni í B-deild Íslandsmótsins.  Hann hefur einnig verið í leikmannahópi meistaraflokks í flestum leikjum sumarsins en Magnús á að baki tvo leiki í efstu deild.  Keflavík á því þrjá leikmenn í landsliðum Íslands í landsleikjahrinunni sem framundan er en Hólmar Örn er í A-landsliðshópnum og Hallgrímur í U-21 ára liðinu.  Þá er Símun í landsliði Færeyja sem leikur gegn Serbíu og Rúmeníu í undankeppni HM.

Magnús fagnar marki með 2. flokki gegn Val á dögunum. (Mynd: Jón Örvar)